منال وفاطمه كانوا نايمين جنبها في الاوضه صحي فزعين علي صوتها
منال… مالك ياحبيبتي
ياسمين حضنتها ونهارت في العياط… فارس سابني ومشي ياماما ارجوك خليه يرجع والله خلاص مستحيل اعمل حاجه حتي عارفه يداده هسمع كلامه ومش هغلبه ولا هعند معا ارجوكم خلوا يرجع انا مقدرش اعيش من غيرو والله
فاطمه بعياط علي حالتها… ان شاءلله هيرجع هو ميقدرش يعيش من غيرك بس انتي قومي كدا وخليكي قوي عشان يرجع يلاقي حبيبته قوي زي مهي
ياسمين بعياط… بجد هيرجع ياداده
فاطمه بعياط اكتر… اه ياحبيبتي انتي عمرك شوفتي حد حب بجد وبعد عن حبيبته ولو بعد بيبعد فتره وبيرجع تاني
ياسمين مسحت دموعها… عندك حق ياداده فارس بيحبني واكيد مش هيقدر يبعد وكام يوم وهيجي راقع وانا هبهدلوا عشان سابني انا مش هعيط وهستنا خلاص
منال بحزن وعياط علي حاله بنتها… شاطره ياحبيبت ماما يلا فاطمه هتجيب اكل وتاكلي وترتاحي
ياسمين… لا ماليش نفس اكل انا هنام شوي عشان فارس لو جه بكرا اكون صاحيه وفايقه يلا تصبحي علي خير
منال حطت البطنيه عليها وغطتها وطلعت هي وفاطمه
منال بحزن… ليه بتعلقيها بامال كاذبه يافاطمه
فاطمه… مش امال كاذبه فارس بيحبها واكيد هيرجع