تن تن تن أسد رد على التليفون
محمود بسخريه……. نسيت اقلك أنا ضحكت عليك بس اوعدك المره الجايه هتكون القنـ…ـــبله حقيقة تشاو وقفل
أسد شــ…ــتم محمود في سره بس اتنهد بارتياح وبص ناحيه نسمه دموعه نزلت وراح ليها
أسد بدموع……. حققك عليا يا حبيبتي أنا آسف انا اللي وصلتك للمرحلة دي نسمه حبيبتي فوقي انا عايش وجنبك نسمه أسد حبيبك عايش قومي علشان ابننا وحط ايده على بطنها
أسد بدموع……..في اليوم اللي عرفتي فيه إنك حامل كان لازم اكون جنبك بس محصلش كدا انا آسف اصحى وزعقي فيا بس بلاش سكوتك دا أنا بمو*ت وانتي بعيده عني يا نسمه حبيبتي ارجعيلي يا روحي وبا*س أسد ايدها وفضلت عيونه تدمع
نسمه كانت في الاوعي
_سامعه الصوت دا
نسمه……. انت مين
_صوت من دا يا نسمه
نسمه بدموع…… صوت حبيبي اللي سبني و راح صوت ابو ابني
_انت قاعده كدا ليه وليه المكان دا ضلمه
نسمه بحزن………. حياتي كانت عباره عن كدا مفيش جديد كل حياتي كانت حزن ودموع مفرقتش الضلمه دي عن ضلمه حياتي
_بس في ناس عايزينك في حياتك والدتك واخوكي صحبتك و صاحبك كلهم جدك حتى ابنك مش دا الطفل اللي
حلمتي بيه انتي واسد
نسمه بدموع…والحلم اتحقق بس ملقتش الشخص اللي كنت عايزاه يعيش معايا الفرحه دي
_ومين قلك انه مش موجود ركزي كدا في الصوت دا