حازم…….. ايوه المهم أنا شايفك مهموم كدا ليه تقدر تحكي ليا
فؤاد رجع بص للبحر………….مش عارف في حاجات حصلت غيرت حياتي ١٨٠ درجه في يوم وليله اكتشف ان عندي
عيله كبيره وبعدها اكتشف ان الشخص اللي قــ…ــتل ابويا عايش حياته ولا اكنه حَرم عيله من السند بتاعها وتيظهر ليا مشكله ان بنت عمي اللي بعتبرها اختي طلعت بتحبني بس انا مش ببادلها نفس الشعور وفي خلال لحظات اكون متجوز من واحده لسه عارفها قريب من شهرين بس في حاجة بتشدني ليها مش عارف هي ايه ودلوقتي بقى عندي بنت زي القمر ومش عارف لما نطلق أنا والواحده دي ايه مصير الطفله اللي اتعودة علينا وخايف إن
بسبب اني رفضت بنت عمي اخويا يعذ*ب اختي او معاملته تتغير معاها هو متجوزها ،مشا*كل كتيره وحلول قليله حياتي بقت فو*ضى كبيره بحاول ارتبها كل ما اجي ارتب حاجة تظهر حاجة تانيه تعقدها اكتر ساعات بحــ…ـسد البحر على الرغم من كل الأمواج اللي فيه واللي بيحصل ليه إلا انه مش بيحصل ليه حاجة
حازم بهدوء……….هساعدك أولا انت قولت إنك اكتشفت إنك عندك عيله كبيره وانت مكنتش عارف بس دلوقتي هل يا ترى انت حاسس إنك مش قادر تتاقلم معاهم
فؤاد بهدوء…… لا بالعكس أنا حبيت العيله دي جدا
حازم…… ادي أول مشكله وانحلت نجي للمشكله التانيه انت قولت ان الشخص اللي قـ…ــتل أبوك عايش حياته عادي حتى إذا كان عايش حياته عادي بس يا ترا لو وقته خلص وراح قابل ربنا هل اللي عمله دا هيعدي لا ربنا اسمه العادل، كل إنسان هيجي وقته ويتحاسب علي اللي عمله سواء كان خير أو شر فاتاكد ان حق أبوك ربنا هيجيبه
نيجي للمشكله التالته حكايه بنت عمك بص هو الحب مش بالا*جبار خالص هي حبيتك بس انت لا صارحها وقولها إنك بتعتبرها زي أختك هي صح هتتا*لم من الحقيقة دي بس دا افضل ليها بدل ما تبني أحلام على ال لا شي وبالنسبه لاخوها هل ياترى هو بيحب أختك
فؤاد……. ايوه
حازم……. يبقى مش هيظـ…ــلهما معاه واعرف اللي بيحب حد مش بيقدر يظــ…ــلمه أو يا*ذيه ،نيجي بقى للمشكله الأخيره البنت اللي انت اتجوزتها من نظرتي ليك
أنا أقدر أقول إنك مش من النوع اللي بينجبر على حاجة خالص
فؤاد بص ليه بترقب
حازم………انت قولت إنك حاسس باحساس غريب لما تكون معاك هل يا ترا احساس بالسعاده
فؤاد افتكر انجي ولما تكون معاه بيضحك من قلبه أبتسم