🌚وقفنا البارت اللي فات لما مراد قام وقف ماما انا هاخد مراتي وهنقعد ف شقتي
ميادة عارفة انو ناوي على حاجه فاتكلمت خليكم معانا كام يوم وبعدها روحوا
مراد: لا ي ماما احنا هنروح هناك
ميادة: طب تعال عايزه اتكلم معاك ف موضوع قبل متمشي
مشيت هو وهيا وقفوا علي جمب وبيتكلموا
ميادة: مراد حرام عليك البنت دي مستحيل تعمل كده اكيد ف حاجه غلط براحة عليها هيا ملهاش ذنب ف حاجه
مراد: ماما انا مش عارف اي اللي مخليكي واثقة فيها كده بس هثبتلك اني كلامك غلط
ميادة: هتندم صدقني
بصلها وسابها ومشي راح عندهم كانوا حطوا الشنط ف العربية ورهف لسه قاعده مكانها وعيونها ف الارض
مراد: هستاذن انا ي عمي مسك ايدها ومشي وهيا ماشيه وراه من غير ولا حرف بس دموعها اللي بتنزل ركب العربية وسابها وهيا لسه واقفة مكانها بصلها واتكلم
مراد: هنفضل مستنيين كتير ولا اي اركبي
رهف من غير ولا كلمة ركبت من وراء
مراد: مش سواق حضرتك انا اتفضلي اركبي قدام