-“ابني إزاي بقى وأنا أصلا مش بخلف من الأساس؟!”
أحاطت فرح بطنها بحماية وابتلعت ريقها قائلة برجاء وهي تنظر بخوف إلى المسدس المصوب نحوها:
-“أرجوك اهدى وبلاش تتهور، صدقني اللي في بطني يبقى ابنك وأنا مش خونتك زي ما أنت مفكر ولو أنت مش مصدقني وشايف أني بكدب فأنا مستعدة نعمل تحليل DNA ولو طلعت بضحك عليك ساعتها ابقى اقتلني
وخلص عليا أو اعمل فيا اللي أنت عايزه”.
فكر عزام قليلا في كلامها واقتنع بوجهة نظرها فهو لن يخسر شيئا إذا أجرى هذا التحليل وإذا ثبت له كذبها فسوف
يجعلها تتمنى الموت ولا تناله أما إذا اتضح له أنها صادقة فسوف يجعلها ملكة متوجة لأنها ستكون حينها قد منحته الهدية التي لطالما تمنى أن يحصل عليها.
▪▪▪▪▪▪▪▪▪
-“يعني نادين موجودة دلوقتي مع آدم يا محمد؟!”
تساءلت سمية بذهول فأومأ لها محمد بإيجاب مما جعل تعجبها يزداد وهي تهتف باستنكار:
-“طيب وهو ينفع أن نادين تقعد لوحدها مع آدم في نفس الشقة بعد ما رمى عليها يمين الطلاق؟!”
تدخلت جميلة في الحديث مؤيدة لوجهة نظر ابنتها قائلة:
-“الأصول بتقول أنهم مش هينفع يقعدوا مع بعض في نفس الشقة بعد ما اتطلقوا”.
خرج صوته بعد تنهيدة أصدرها وهو يجلس أمامهما عاقدا ذراعيه أمام صدره:
-“يا جماعة الخير دي طلقة رجعية ونادين قدامها لسة عدة وآدم يقدر يردها بكلمة واحدة منه من غير ما يحتاج يجيب مأذون ويكتب عليها من جديد وبعدين رجوع نادين لشقتها مش غلط لأن أصلا الصح أن الزوجة تفضل في بيت جوزها طول فترة العدة ومتخرجش منه إلا في حالة انتهاء العدة من غير ما الزوج يردها لعصمته وده على