أطلقت فرح صرخة عالية بعدما قبض عزام على شعرها بقسوة شديدة للغاية صائحا بعصبية:
-“بقى أنا تعملي فيا كده يا قذرة بعد ما لميتك من الشارع وعملت منك بني آدمة وكتبت عليكِ مع أنك رخيصة أصلا؟!”
هتفت فرح وهي تحاول تحرير شعرها من قبضته الغليظة:
-“سيب شعري يا عزام وقولي أنا عملت إيه عشان تقولي الكلام ده وتتصرف معايا بالشكل الهمجي ده؟!”
دفعها عزام وأخذ يضربها بشدة قائلا:
-“أنا عرفت أنك روحتِ لدكتورة نسا وأنها قالتلك أنك حامل بقالك أكتر شهرين، قولي يا واطية اللي في بطنك ده
يبقى ابن مين؟”
حاولت فرح الدفاع عن نفسها وصد ضرباته المتلاحقة وهي تتوسل إليه:
-“اهدى يا عزام أبوس إيدك، اللي في بطني يبقى ابنك والله، وأنا خوفت أقولك أني حامل عشان عارفة أنك هتخليني أسقطه”.
أخرج عزام مسدسه وقام بشحذه ووجهه نحوها هاتفا بخشونة:
-“لأخر مرة هسألك اللي في بطنك ده يبقى ابن مين وأحسنلك تنطقي دلوقتي وإلا هخلص عليكِ ومحدش هيعرفلك طريق”.
همست فرح بحشرجة من وسط بكائها:
-“والله العظيم يبقى ابنك”.
أطلق عزام طلقة فوق رأسها فصرخت برعب ولكنه تجاهل صراخها وصاح بصوت متهكم: