أشار سمير نحو نفسه هاتفا باستغراب:
-“طيب إيه الموضوع ده، وأنا إزاي هقدر أساعدك فيه؟”
أخبره رامز بكل شيء متعلق بزواجه من داليا وأنها تركته عندما مرّ بمحنة صعبة وحرمته من رؤية طفله الوحيد
طوال السنوات الماضية.
شعر سمير بالأسف على ما حدث لصديقه وهتف بمواساة:
-“إن شاء الله ربنا هيعوضك ويجيبلك حقك من البني آدمة قليلة الأصل دي”.
هتف رامز وهو يضع فنجان الشاي على سطح المكتب:
-“أنا بحاول الفترة دي أني أشوف ابني من غير ما هي تعرف وده لأني مش هقدر أرجعه لحضني من غير ما أخليه
يحبني وياخد عليا”.
قاطعه سمير بعدما فكر قليلا واستوعب الأمر كله:
-“هو أنت عايز تقول أن ابنك متسجل هنا في الحضانة؟!”
أومأ رامز بإيجاب فهز سمير رأسه بتفهم وتحدث بجدية:
-“تمام، أنا هساعدك في أنك تشوف ابنك هنا في الحضانة من غير ما والدته تعرف حاجة عن الموضوع”.
شرب سمير القليل من فنجان الشاي الخاص به قبل أن يكمل حديثه:
-“بص يا رامز الأطفال هنا في الحضانة بياخدوا أنشطة ترفيهية في أخر ساعتين يعني أنت تقدر تيجي قبل ميعاد الانصراف بتاعه بحوالي ساعة أو ساعة ونص عشان تقعد معاه هنا في مكتبي بس خلي بالك لازم قبل ما تعمل
كده تكون واثق ومطمن أن ابنك مش هيقول أي حاجة لأمه عن الموضوع ده لأنها ممكن تعملي مشكلة كبيرة وتسوأ سمعة الحضانة”.
نهض رامز وربت على كتف صديقه قائلا بامتنان: