صرخت شيري بقهر في محاولة منها لإسكاته:
-“بس مش عايزة أسمع منك أي كلمة في الموضوع ده”.
حاولت شيري إسكات محمد إلا أنه لم يتوقف أمام تلك المحاولات وتابع قائلا باشمئزاز:
-“أهلك اتفضحوا وسط الناس واتبروا منك وأنتِ مكانش فيه حاجة بتفكري فيها غير أن الولد اتجوزك ولما ده حصل بعدها بكام شهر عمل حادثة ومات وابنه اللي في بطنه مات وأنتِ بتولديه وبما أن الجوازة كانت رسمية كان ليك نصيب من الأملاك اللي كانت باسمه ووقتها حياتك اتغيرت وبدل ما تحاولي تراضي عيلتك بعدتِ عنهم أكتر
ومش اهتميتِ بأي حد”.
أخذت شيري تبكي بشدة ولكنه لم ينخدع بدموع التماسيح التي تسقطها أمام عينيه حتى يرأف بها، واستمر يجرحها بكلماته التي تذكرها بماضيها غير المشرف:
-“بعد كده أنتِ روحتِ اتجوزتِ واحد عنده سبعين سنة وفضلتِ تلعبي عليه لحد ما كتب ليكِ نص ثروته قبل ما يموت وساب الباقي لعياله”.
أشار محمد نحوها باحتقار وهو يكمل:
-“أنتِ اللي زيك عمرها ما تنفع تكون زوجة لشخص عايز واحدة محترمة تشيل اسمه وتبقى أم أولادها يتشرفوا بيها”.
استمرت شيري في البكاء وهي تتذكر كل الكلمات التي قالتها لهانيا حتى تحرضها على زوجها كما أنها حرصت على
تقريبها من زياد حتى تقضي على أي أمل يشير إلى احتمالية عودتها إلى طليقها، وفي النهاية أخبرها محمد بمنتهى البساطة أنه يكرهها ولا يطيقها.
صرخت شيري بعصبية ناظرة إلى محمد بغيظ شديد؛ لأنه الرجل الوحيد الذي جعلها تركض خلفه على عكس