شعرت سمية بدهشة شديدة بعدما رأته يقف أمامها فهي صارت تتجنب الذهاب إلى جلسات العلاج الجماعية بعد ما حدث في المرة الماضية عندما انفعلت عليه أمام الجميع دون إعطائهم سبب مقنع لهذا الأمر.
همست سمية بخفوت وهي تمسك بحقيبتها:
-“فرصة سعيدة يا أستاذ رامز، واضح كده أنك متعود تيجي المكان ده على طول”.
أومأ رامز قائلا وهو يجلس أمامها دون أن تدعوه لذلك:
-”عندك حق يا مدام سمية، أنا فعلا بقالي فترة باجي المكان ده؛ لأنه كويس زائد أنه قريب جدا من الشركة بتاعتي”.
رفعت سمية حاجبيها متسائلة باستغراب:
-“مش معقولة!! هو أنت عندك شركة؟!”
ابتسم رامز مجيبا على سؤالها بقوله:
-“أيوة أنا فتحت قريب شركة استيراد وتصدير والكلام ده أنا قولته أثناء الجلسة بس واضح أنك مكنتيش مركزة في أي حاجة غير في نقطة خطيبتي اللي أنا سيبتها واللي أنتِ هزقتيني قدام الكل بسببها”.
أخفضت سمية رأسها وقد شعرت بالإحراج بعدما ذكرها رامز بالموقف الذي قامت به هامسة باعتذار: