تصنعت ميرڤت البكاء وهي تهمس:
-“مراد أنت لازم تيجي في أسرع وقت لأن اللي مراتك عملته معانا مش هينفع يتسكت عليه نهائي ولازم أنت اللي
تتصرف معاها لأنها تخطت كل الحدود”.
فرك مراد جبينه متسائلا بتعجب:
-“اهدي بس يا ماما وفهميني إيه اللي حصل بالظبط وإيه اللي سمية عملته وضايقك أوي كده؟”
أجابته ميرڤت بعدما تعمدت ظهور الحشرجة في صوتها حتى يقتنع بفكرة أنها تبكي بشدة بسبب الفعل الذي قامت به زوجته:
-“مراتك يا مراد أساءت لينا كتير وعملت معايا مواقف وحشة أوي بس أنا مكنتش برضى أقولك عشان مش عايزة
أبقى سبب في أن يحصل بينكم مشاكل ولكن اللي هي عملته النهاردة فاق كل الحدود لأنها اتهمت أخوك اللي من لحمك ودمك وقالت أنه حاول يعتدي عليها”.
ارتفع صوت شهقات ميرڤت المصطنعة وهي تستكمل:
-“أنا عمري ما كنت أتخيل أن سمية تطلع حقيرة بالشكل ده”.
اتسعت عينا مراد وهو يردد بذهول:
-“إيه الكلام ده يا ماما!! معقول سمية اتهمت كريم بحاجة فظيعة زي دي!! أنتِ متأكدة فعلا أنها قالت أن كريم حاول يعتدي عليها؟!”
أومأت ميرڤت ورسمت أمارات القهر على وجهها وكأنه يراها أمامه قائلة: