ولحد دلوقتي مش عوضني زي ما وعدني”.
هتفت داليا بجدية وهي تلتقط المشط حتى تمشط شعرها:
-“اطمني يا ماما، أنا أنصح منك بكتير وعارفة كويس هعمل إيه عشان أفضل دايما عايشة حياة كويسة”.
لوت فوقية شفتيها وهتفت بنزق:
-“طيب وأنتِ ناوية تعملي إيه بقى الفترة الجاية يا ست ناصحة؟”
ضحكت داليا بشدة بعدما رأت وجه والدتها المتحسر على شبابها الذي ضاع في حياة الفقر مع زوجها البائس.
هتفت داليا بجدية بعدما انتهت من وصلة الضحك الهستيري:
-“رامز خلاص كان مرحلة في حياتي ووقته انتهى ودلوقتي جِه وقت مرحلة جديدة”.
شعرت فوقية بالريبة وهمست بخفوت:
-“أنتِ ناوية على إيه بالظبط يا بنت بطني؟”
ابتسمت داليا وهي ترد بنبرة ماكرة:
-“اصبري شوية يا ماما وأنتِ هتعرفي كل حاجة في وقتها”.
▪▪▪▪▪▪▪▪▪
على الرغم من عدم انتهاء فترة النقاهة بالنسبة لمحمد إلا أنه أصر على العودة إلى المنزل وعدم استكمال العلاج في المستشفى.
تمدد محمد على السرير بعدما وصل إليه بواسطة الكرسي المتحرك دون أن تساعده هانيا فهي لم تكن تطيق النظر إليه حتى تمد له يد المساعدة.