ابتسم بحب لأخته الصغرى ..لتنظر اليها بتعجب مالك انا قولت حاجه تضحك…
عمران : والله وكبرتي ياشمس وبقيتي تقوليلي هعمل ايه..
شمس بابتسامه : وانت عايزني افضل عيله اني بقت ام لو ملاحظ..لتشير الى طفلها…
عمران بحب : احسن ام بالدنيا كلها..
شمس :انشالله تعيش ياعمران ومتحرمش منك ياخويا..سلام انا بقى اتاخرت..
عمران :شمس ..
شمس نظرت اليه باستفهام..
عمران : سامحيني.
شمس : على ايه ياعمران..
عمران : عشان الفتره اللي فاتت مكنتش واقف جنبك وهملتك..قوي..
شمس :لا متقولش كده ياعمران انت عمرك مقصرت معايا بحاجه…وانا عارفه اللي مريت بيه الفتره اللي فاتت صعب قوي .
عمران :انا عايز اسالك حاجه وتجاوبيني عليها بصراحه..
شمس : وانا عمري كدبت عليك ياخويا اسأل براحتك
عمران :انتي مبسوطه مع جوزك ياشمس.
صمتت وادرات وجهها الجهة الاخرى ..
ليكمل عمران حديثه :.لو مش مرتاحه ومراته عملالك مشاكل انتي مش مجبوره تتحملي ولو على ابنك.هربيه مع عهد بنتي…
شمس بارتباك وتوتر : انا بصراحه ياعمران ….ليقاطعها…..
يتبع ….