جريت على الحمام ، حمدت ربنا ان مكنش فيه حد ، نزلت النقاب و بصيت فى المرايا ، نزلت دموعها و دخلت فى نوبة بكاء ، مسحت دموعها
ملك :- خدي نفس و خليكي قوية دي صاحبة عمرك و دا ابن خالك و أنتي سمعتي بنفسك قال لصاحبه ايه عليكي اهدي يا ملك اهدي و خدي نفس عميق هو ميستاهلكيش و مختركيش اهدي
حاولت تستجمع قوتها خرجت من القاعة لاقيت اسر جاي مع جدها و خالها و معاهم المأذون
خدت نفس عميق راح المأذون قعد على كرسي قدام التربيزة و قعد جانبه اسر غمضت عينيها بحزن و هي بتتمنى ان تكون فقدت سماعها فى تلك اللحظة عشان متسمعش اي حاجه فتحت عينيها على صوت المأذون و هو بيبصلها
المأذون:- مين وكيلك يا عروسه
بص الجميع للمأذون بأستغراب و خصوصاً روان اللى اتحمقت اوي
روان :- حضرتك فاهم غلط العروسة هي انا مش ملك
المأذون:- ازاي يبنتي فى الورق اللي قدامي اسم العروسه هو ملك عبدالله الشافعي
يتبع….