فارس بغضب جحيمي /انتي ايه ي بنت فريد انتي بفلوسي بقيتي الي انتي فيه بقيتي في اكبر الجامعات بتلبيسي احسن لبس اوعا تكوني فاكره أننا مولدين في بوقنا معلقه دهب احنا طفحنا المر علشان نعمل الامبراطوريه دي أولهم جدي الله يرحمه وبعدين أنا وأبوكي وعمك وماله مراد مش احسن من النطع الي كنتي عايزه تتجوزيه
مسمعش صوتك خالص فاهمه ي بت .
فعلا قدام الفارس الكل لازم يسكت وفعلا تم كتب كتاب محمد وماريا ..
كانت واقفه ندا مخضوصه إذا كان جدها عمل كده مع ماريا ممكن يعمل فيها ايه لما يعرف انها متجوزه طلعت بره تشم هواء لأنها حست انها بتتخنق في نفس اللحظه رن اكمل ردت بسرعه كانت محتاجه تسمع صوته .
/الو ايوه ي اكمل .
اكمل باستغراب /مال صوتك ي ندا .
ندا بدموع محبوسه /مفيش ي روحي وحشتني بس .
اكمل بابتسامه /وانتي كمان والله علشان كده لازم اشوفك النهارده لازم ي ندا .
ندا شافت رعد بيقرب قفلت بسرعه .
رعد بابتسامه حب /حبيبتي وحشتيني .
ندا باستغراب /بتقول ايه من امتا كلامك ده ي رعد.
رعد بابتسامه /من هنا ورايح ي حبيبتي انا كنت غلطان وخلاص مش هضيعك من ايدي تاني ابدا .
ندا بسخريه وهمس /فوقت متأخر اوي ي رعد اوي.