لڪن خايف إن صفية هي الترفص.
_ والله حماتي، وخايف ترفض، يابني تعبت قلبي هو أنا خلفتڪ ونسيتڪ أڪمل وهو قاصد استفزازه: وبعدين أنا ڪدا ڪدا جاي معاڪ
عشان لو صفصف رفضتڪ اتقدملها أنا وأهو نبقى ضربنا عصفورين ما جبناش الشوڪولاته والورد علىٰ الفاصي، وفي نفس الوقت ماخرجناش فضين.
أمسڪه أيمن من ياقة قميصه مهددًا أنا لو سمعت حروف اسمها متجمعه في جملة من إنشائڪ هتزعل مني جامد، هندمڪ علىٰ إنڪ
فڪرة بس في نطق اسمها حتى ولو غصب عنڪ، من النهاردة إنت وڪل المدرسين هتندهولها بحرم مستر أيمن، وبعدين ياله روح وسبني عشان ڪلها ڪام ساعة ونروح نطلبها عاوز الحق أحضر هدومي.
_ أنت عقلڪ فوت يا أيمن!! المعاد يوم الجمعة والنهاردة الأربع في أي ياغالي دا جالڪ من أي.
ما عشان أنت ساذج بتحسبها بالأيام فتروح الأيام تسرقڪ وبعدين هو أنا معزوم عند جدڪ عشان أقول دا لسه ڪام يوم، دا يوم استنيته ڪتير يعني بجد لازم أحس إن الفاضل بس ڪام ساعة مش أڪتر.
_ لا لا هتبدء من دلوقتي تلزيق وشغل حبيبه.
أمال أنت فاڪر أي دا أنا هغير بايو الفيس والواتس وأڪتب حرفها، وهنزل بوست وأقول سوري يابنات أنا مضطر احذفڪم عشان المدام بتغير وڪمان الدروس هتبقى شباب بس والبنات يشوفوا مدرس تاني عشان بخاف علىٰ مشاعر قطتي.
_ لا ياربي أنا عملت أي عشان ڪل دا يحصل، مش هستحمل فقع المراره دا احنا لازم نقطع علاقتنا ببعض عشان بس الدنيا مش