_ بس دا المدرس بتاعي أنا مافڪرتش قبل ڪدا فيه بشڪل غير دا وما حستش منه غير إني مجرد طالبة عنده ترڪيزه ڪان عادي بعتبار إنه بيشوفني متفوقة شوية مش أڪتر.
شخص زي مستر أيمن دا راجل يعرف ربنا عشان ڪدا ماستغلش إنه مدرسڪ واتصرف تصرف وحش، والراجل شاريڪي وبيحبڪ.
_ بس أنا مش بحبه ياماما.
يعني بتحبي حد غيره؟
_ بتوتر؛ لا لا مافيش حد هو أنا ليا في الڪلام دا.
مسحت علىٰ خدها بلطف؛ أنا ربنا يعلم إني عاملتڪ زي صحبتي وڪنت بتڪلم معاڪي وبسمعلڪ وباخد ناصحتڪ وبديڪي خبرتي
والمرة دي ڪمان مش هجبرڪ أنا بس هقولڪ بما إن القلب خالي ف استخيري وشوفي هيحصل أي وحطي في حسبانڪ إن أيمن جاي شاري مش مجرد راجل قرر يتزوج.
_ ظلت صفية تفڪر في ڪلام والدتها عن مستر أيمن، وأيضًا تشعر بتسارع دقات قلبها ڪلما تذڪرت ابتسامة حسن، ڪلما تذڪرت
حديثة، ڪلام والديه عنها، صوته العذب في تلاوة القرآن، وڪيف ڪان مسؤول وصاحب عقيدة سليمة، ظلت تتخبط إلىٰ أن قررت تستخير، وبعد أن توضأت وصلت شرعت في الدعاء ليقاطعها صوت الهاتف، وإذا بها ملڪ صديقتها المقربة…