وخالد اتكلم وحاول يهدي الموضوع….. معلش يا دكتور حصل ظرف والاستاذة كانت تعبانه انا هأكلهم دلوجتي
الدكتور سكت وكتب فيتامينات للاولاد…. الفيتامينات دي تديهلهم علشان تقوي صحتهم شوية وتأكلي اكل صحي وبروتين كتير
خالد… حاضر
وشال همس اللي كانت بتعيط وريهام مالك وكانت بتعيط
خالد بحزن… معلش هو ميجصدش
ريهام هزت راسها بتعب وسكتت
خالد راح جاب الفيتامينات من الصيدله المستشفى وركبوا العربية وراح قصاد مطعم ونزل جاب اكل كباب وكفته وادهلهم وقالها اكلي العيال وكلي معاهم
ريهام اخدتهم وشكرته وهي صوتها مش طالع…. شكرا ليك علي تعبك اول ما اشتغل هديك اللي صرفته
خالد بصلها بحده…… انتي اجده بتشتميني بس علشان منتيش من الصعيد ومنتيش عارفة طبعنا واصلنا هسكت ومش هتكلم
ريهام استغربت….. ليه يعني ده حقك
خالد…. احنا ولاد بلد يا استاذه بنقف مع الغريب قلب الجريب مش بناخد فلوس ساعدنا بيها حد كلي
خالد سكت وهي كمان واكلت ولادها اللي كانوا بيكلوا بجوع شديد اوي وشربتهم مايه وادتهم الفتامين وكل ده وهي مكلتش
خالد…. مش بتكلي ليه
ريهام بتعب…. مليش نفس