سيد سكت ومتكلمش…. وماله الدار نور اتفضلي
ريهام بخجل….. بعتذر ياعمو اني هتعبكم
سيد…. لا علي ايه الناس لبعضيها انتي من القاهرة منتيش من الصعيد
ريهام بخجل…. ايوه
سيد… اهلا وسهلا خديها يا ام سماح وديها علي اوضة البت سماح تجعد فيها
ام سماح…. حاضر يا اخويا تعالي يابتي معايا
راحت ريهام وراها بخجل وكانت مكسوفه جدا
ام سماح… خشي ريحي جدتتك انتي والعيال علي ما اجهز لقمه تكلوها
ريهام بسرعة… لا لا احنا واكلين
ام سماح بحده…. بت ملكيش صالح ارتاحي اهنا انت سامعه وهحضر الوكل ولو مكلتيش هزعل منك اكده
ريهام…. حاضر
وخرجت ام سماح وريهام فضلت تبكي علي اللي وصلت ليه قاعدة عند ناس متعرفهومش واكرموها اخر كرم ريهام طلعت ولادها من الشنطة وحطتهم علي السرير ونامت جنبهم وشوية وام سماح دخلت عليهم لقيتهم نايمين خرجت…. اما اسيبهم يرتاحوا شويه
وخرجت لقيت جوزها بيشرب الشيشة وسرحان
ام سماح…. مالك يا راجل سرحان في ايه اجده
سيد… مفيش الا البت سماح معتش بشوف خلجتها ليه مش بتچي ملهاش اهل ولا ايه