عند عاصم كان سرحان ومش عارف حاسس بإحساس سئ بيروده مش عارف في ايه كانت وفاء نايمة جنبه سمع صوت بنته خرج لقها بتذاكر
عاصم بحب…. ايه يا حبيبتي مسهرك كده
نور وعنيها سوده من السهر….. معلش يا بابا لو صحيتك بس ورايا امتحان مهم بكره ولازم اكون مستعدة
عاصم…. ولا يهمك يا حبيبتي ربنا معاكي يارب وتجيبي تقدير عالي
نور ابتسمت….. يارب يابابا
عاصم… يارب مش عايزة اعملك حاجه تشربيها وانتي بتذاكري
نور ابتسمت…. تسلم يا بابا ادخل نام وانا لو عايزة حاجه هبقي اقوم اعملها متتعبش نفسك يا حبيبي
عاصم بحب…. مفيش تعب ولا حاجه
نور…. صدقني مش عايزة
عاصم…. طيب يا حبية بابا انا داخل
نور… اتفضل
دخل عاصم وفضل قاعد علي السرير وكان مش عارف ينام من القلق وفاء صحيت بسبب. تحركاته الكتير.
وفاء بنعاس…. في ايه يا عاصم ما تنام كل شوية تتحرك ليه
عاصم بقلق…. انا مش مرتاح حاسس ان قلبي مقبوض وفي حاجة هتحصل يا وفاء
وفاء قامت قعدت علي السرير…. ياخويا تفائل متقولش كده ان شاء الله خير
عاصم…. يارب
♥♥♥♥♥♥♥♥♥♥♥♥♥♥