ردت مني بهدوء وهي باصة لرعد وبتشاورله بايديها علي نفسها :
انا مش بسألك يا رعد بيه عشان انا خايفة احسن تطلع وحش ،، انا شوفت انت ازاي مهتم بليان وحامتها لما كانت محتجالك ومتأكدة انها في امان معاك بس مش دي المشكله ولا ده اللي انا خايفه منه
رعد كشر باستغراب وسأل مني بحيرة وفضول :
اومال ايه اللي مخوفك مني اوي كدة يا انسة مني ،، انا مش فاهم الصراحة
اتنهدت مني بحيرة وردت بقلق وخوف وهي بتبص لرعد :
خايفة تنجر*ح منك بعد ما اتعلقت بيك،، ليان مالهاش حد غيري وانا مش عايزاها تتجر*ح ،،كفايا اللي حصلها زمان وخلاها بقت كدة ،،
رواية ناضجة بعقل طفلة ?كاملة
عشان كدة مش هسمح ان حالتها تسوء اكتر ،،، لو سمحت يا رعد بيه ،، انا هنا فترة مؤقتة وماشية يعني مش قاعدة علطول وليان مش مستوعبة حاجة زي دي ،، وانا مش عايزاها تتعلق بيك اكتر من كدة عشان متتو*جعش لما نيجي نمشي من هنا فلو سمحت سيبها في حالها وياريت متختلطش بيها او حتي تتكلم معاها .
قالت مني كلامها وسابته وخرجت من مكتبه ورعد وقتها حط وشه بين ايديه ونفخ بغضب لان كلام مني كله صح وهو بيعلق ليان بيه بقربه منها وهو مش متأكد من مشاعره ناحيتها يبقي هي عندها حق بلاش يحاول يقرب منها او يخليها تتعود عليه اكتر من كدة
وهو ده اللي لازم يحصل
………………….