” امه كانت بتعيط ومنهارة ، كانت بتترجاه ولكن هو مكنش سامع اي حد ، حسن مشي من البيت و امه نزلت وراه تلحقه ، باب الشقة اتقفل
يوسف عشان خاطري اسمعني ، انت فاهم الموضوع غلط ، هو اللي كان بيحاول معايا ، انا كنت بمنعه وحتى مكنتش عايزة اقولك عشان متخسرش اخوك ، صدقني يا يوسف انا معملتش حاجة ، حسن هو السبب
close
” ضحك ب استهزاء
امممم الحرامية برضو بتعمل كدا لما حد بيقفشهم ، كل واحد فيهم بيبيع التاني في ثانية ، بس انتي طلعتي واطية أوي يا اسماء ، بتبيعي حسن لكن هو مباعش ، هو مقالش عليكي كلمة واحدة ، أنتي بالذات عندي ليكي سؤال واحد و عايز رد عليه ، انا قصرت معاكي ف ايه؟
= يا يوسف والله صدقني انا مليش ذنب ، انا…
” وكأنه اتحول وبقا شخص تاني ، زعق فيا
ردي عليااا ، انا عملت معاكي ايه وحش يخليكي تعملي فيا كدا
” قرب مني وفي لحظة كان القلم نازل على وشي