– آلااااه..
شكلك وقعت ولا إيه يا نوحي نوحي..
” نـوح ” وهو يُندب حظه.
– وقعت إيه بس يا إبني هو أنا بتاع الكلام ده..
ده أنا أخدتها زحلقه طوالي..
” سـلـيـم ” بحماس.
– وووه وهو أنا آخر من يعلم في البيت ده ولا إيه..؟!
” نـوح ” بإبتسامة كشفت عن أسنانه ناصعة البياض.
– إذا كان أنا نفسي مش بعلم أنت هتعلم..
ثم أضاف بعدما مسم شفتيه بتمزج.
– مسم؛ أنا داخل قصَّة حب عنيفة مع أول طبق مكرونة بالمسقعة عملته الأسبوع اللي فات إنما إيه هيفرقع الدُنيا..
” سـلـيـم ” بتنكيت.
– واللّٰه أنا خايف أنا اللي أفرقع منكم..
وعلى سيرة الفرقعة ووصولنا مصر بالسلامه عايز أقول نكته.
الجميع بإهتمام.
– أتفضل..
” سـلـيـم ” على نفس نبرته السابقة.
– بيقولك مرة واحد غبي بيلعب بالقنبلة وبيحدفها من إيده اليمين لإيده الشمال، فجىٰ واحد تاني بيقوله خلي بالك
لتنفجر فيك..
فرد عليه وقاله متخافش يا عم أنا معايا واحدة تانية.
فنظرت له ” أصـالـة ” نظرة منصدمه؛ تحاول إلا تضحك على نكته المساخة إلا أنها لم تستطع كبح ضحكاتها وأنفجرت ضاحكة فلحق بها الجميع مقهقهين على ضحكتها؛ فكانت ضحكات صادقة، تخرج من القلب لأول مرة