– حمداللّٰه على سلامتك يا مدام أصـالـة..
” أصـالـة ” بنبرة باكية وهي ترفع رأسها بصعوبة لتواجه الطبيب مُعيده سؤالها والقلق ينهش صدرها نهشًا.
– إبني كويس..؟!
الطبيب ببشاشه.
– متقلقيش يا مدام البيبي لسه موجود وله نصيب يجي الدُنيا رغم كل اللي حصله..
ثم أضاف بنبرة هادئة.
– متقلقيش أنا فهمت المدام اللي جابتك أن حضرتك فقدتي الجنين زيّ ما حضرتك طلبتي لما فوقتي إمبارح قبل ما نبدء العملية..
” أصـالـة ” وهي تتحسس بروز بطنها بإبتسامة وعبراتها تهطل دون وعي من سعادتها لسماع ذلك الخبر.
– الحمدللّٰه..
الحمدللّٰه يارب أنك حفظت على إبني..
يارب أنت عارف أنه أمل حياتي وسنيني الجاية فإحفظه ليا وقر عيني بيه يااااارب..
الطبيب بإبتسامه لفرحتها.
– حمداللّٰه على سلامتكم يا مدام.
ثم أضاف بهدوء.
– إمبارح المدام اللي كانت معاكي طلبت مني مبلغش عن الحادثة اللي حصلت معاكي وقال أثبت اللي حصل في تقرير طبي ملابسات الحالة وأن حضرتك اللي هتقرري نبلغ ولا لأ..
فهل حضرتك حبه أرسل التقرير للمباحث ونقدم بلاغ تجاه شخص معين ولا ليكي رأي تاني..؟!
” أصـالـة ” وهي تنظر إلى اللاشئ بعدما فرت دمعة هاربة من عيناها اليمنىٰ بألم عندما تذكرت ما حدث لها بالأمس على يدي محبوبها.
– أنا مش بتهم أي حد في اللي حصلي يا دكتور..
الطبيب بشك.