مهاب بتنهيده /يا سيتي ولا تتقيل ولا حاجه قومي تعالي اوديكي قوضتك
جميله /هو ممكن اعرف ليه قولت في الحاره عندي انك تبقي جوزي
مهاب بإبتسامه زادته وسامه/عشان محدش يتكلم عليكي نص كلمه
جميله بلا مبلاه /يا عم يا ما اتكلموا كتير مفرقتش يعني
عقد مهاب حاجبيه قائلا/يعني اي مش فاهم
تجمعت الدموع في عيون جميله وتحدثت قائله/مش عارفه ست جمالات مابتحبنيش ليه ودائما تتكلم عليا منها لله بقي هي وابن اخوها اللي كان كل شوبه يضايقني وانت شوفت ده بنفسك
مهاب /هو الواد اللي شفته بيضايقك ده يبقي ابن اخوها
جميله بعياط/اممم
اقترب مهاب منها ومسح دموعها براحة يديه قائلاً بحنان/شش مافيش حد هيتجرأ يتكلم عليكي نص كلمه بعد كيدا
نظرت له جميله بعدم استيعاب
مهاب متجاهلاً نظراتها/تعالي معايا اوديكي قوضتك ،ذهبت معه جميله وهي تنظر له بعدم ادراك لماذا هذا الشاب يتحدث هكذا لماذا يصمم علي مساعدتها لماذا كل هذه كانت اسئله تطرح نفسها علي جميله
✨عند ديانا ✨
كانت تجلس مع حريم المنزل يتثامرون وسط اعجاب الجميع بها وبإحترامها عدا ملك
هنيه/واتعرفتي انتي وادهم ازاي بقي
ديانا بإرتباك/صدفه
ملك بإستهزاء /ايوا فهمنا اي بجي من كلمه صدفه دي ما تجولي اتعرفتي ازاي عليه
منه(ابنة هنيه والعروسه)/جري ايه يا ملك ما بالراحه عليها شويه مالك قارشه ملحتها كيدا ليه
ملك بغيره/ولا قارشه مالحتها ولا حاجه بس عاوزه افهم يعني ازاي ادهم اتجوز مره وآحده كيدا ومن غير ما يجول لعمي عبد الكريم مش حاجه غريبه شويه
ديانا بكذب/اصل الموضوع جه بسرعه يعني هو شافني فعجبته فتجاوزنا علي طول حتي من غير فترة خطوبه
هنيه بجنيه/ربنا يخليكم لبعض يا بتي ويرزقكم بالذريه الصالحه
اكتفت ديانا بإبتسامه متصنعه وهي تشطاط غضبا من الداخل
منه/الا صحيح يا ديانا كنت عاوزه اسألك شويه اسأله لأن فرحي جرب وذي ما انتي شايفه اكده عاوزه اعاده تدوير ههههه
ديانا من وسط ضحكاتها/والله انتي قموره خالص بس عاوزه شويه ماسكات يظبطوا بشرتك غير كيدا انتي اصلاً قمر
منه بغمزه /يعني هتظبطيني ولا هتبعيني
ديانا بحماس /عيب عليكي هظبطك طبعاً يلا بينا نبدأ
منه /علي فين
ديانا بفرح /علي القوضه بتاعتي نعمل الماسكات والحاجات دي بقي يا عروسه
منه بفرح /طيب يلا مش هتيجي معانا يا ملك