لؤي /بت انا كمان مش طايق نفسي الحق عليا اني جيت اشوفك رجعتي بدري ليه
امل ببرود /اترفدت شهر استريحت
لؤي بصدمه /يا محاسن الصدف
امل ببرود /اش معني
لؤي بغرور مصتنع/اصل انا كمان اترفدت بس اسبوعين مش شهر
امل /عملت اي يخربيتك
لؤي /والله انا كيوت قوي كل الموضوع في بنت مش تمام عماله تتمايص عليا بقالها فتره وانا اصلاً علي اخري منها لقتها مره واحده كدا جابتلي المدرج بتاعي وبترمي بلاها عليا روحت ضربتها بالقلم
وابتسم ابتسامه بلاهه فأكمل /طلعت بنت المعيد
امل بضحك/تستاهل ما كنت كلمتها وخلاص انا مش عارفه عاجبها فيك اي العاميه دي
لؤي بعصبيه /ما انا مش خروف عشان امشي مع واحده الجامعه كلها مشيت معاها وباعدين انا اصلاً قمر والف واحده تتمناني
امل بإبتسامه /لا راجل يلا
لؤي بغرور مصتنع/امال انتي كنتي فاكره اي
امل بضحك هستري /كنت فكراك سوسن
لؤي بغضب مكتوم /وانتي عملتي اي بقي
امل ببراءه مصتنعه/شتمت المعيد
لؤي بصدمه /اي يا بت البراءه اللي بتتكلمي بيها دي ده انتي حتي مع المعودين لسانك اطول منك يا اوزعه
ضربت امل لؤي بشنتطها قائله/طب غور من وشي بقي
لؤي /ماشي يلعن ابو شكلك اوزعه بصحيح
✨عند ادهم✨
كان يتدرب في غرفتة الچيم الموجوده في جناحه الا ان دلفت اليه ديانا ببراءه متصنعه
ديانا بمرح /اخويا عامل اي
نظر لها ادهم وهو يرفع بعض اثقال الحديد ولم يجيبها
ديانا بحرج /لاقيت نفسي زهقانه قولت اجي اقعد معاك ونسلي بعض