✨امام عمارة لؤي وامل ✨
كانت امل تتفحص السياره بفرحه كبيره
ونجلاء تنظر لها بغيظ
كمال /ايه رايك يا اموله
امل وهي تتفحص السياره من الداخل/جميله قوي يا روحي ربنا يخليك وتجللي كمان وكمان *شددت امل علي هذه لتغيظ نجلاء *
نجلاء بلوية فم/هو لسا هيجيب تاني يا ختي ما مجيبه بقي
خرجت امل من شباك السياره قائله/لو مجابليش هو مين هجيبلي
نجلاء بفرسه /اهو عندك اهو يجيبلك اللي نفسك فيه *دفعت نجلاء كمال علي شباك السياره مكان امل وذهبت للشقه *
كمال /معلش يا امل متزعليش من نجلاء هي طيبه والله وبتحبك بس مش بتعرف تعبر عن حبها ليكي
امل وهي علي دراية بكذب شقيقها /اه عارفه اجري بقي شوفها احسن شكلها زعلت
كمال /طيب خلي يا سين معاكي
امل/طيب
كان كمال في طريقه للشقه ولكنه وجد لؤي يخرج من شقتهُ فوقت ليصافحه
كمال /عامل اي يا بطل ديلوقتي
لؤي /الحمد لله بقيت كويس
كمال /طيب كويس الحمد لله
لؤي بتدخل /امال فين ياسين وامل
كمال بضحكه /الإتنين تحت يا سيدي بيشوفوا العربيه. بتاعت امل الجديده
لؤي /هي امل جابت عربيه
كمال /اه انا لسا جايبهالها بس بيني وبينك خايف عليها دي مش بتعرف تسوق اصلاً
لؤي /يا عم ماتقلقش السواقه سهله قوي هعلمهالك انا السواقه مش حوار
كمال بفرحه /والله تبقي خدمتني
لؤي /ياعم عادي الجيران لبعضها وصراحه رغم ان اختك قصيره ولسانها طويل بس طيبه وجدعه حوار انها تاخذني عنداها الشقه وتجيبلي دكتور من غير ما تخاف من كلام الناس الموقف ده اثبتلي قد ايه هي طيبه وجدعه
كمال بضحكه /هي فعلاً طيبه وجدعه بس عيبها لسانها الطويل ذي ما انت لسا قايل ديلوقتي
لؤي بضحكه / وشهد شاهدٌ من اهلها
كمال بضحكه وقد تذكر موقف ما/امل واحنا صغيرين كانت مدلعه قوي خصوصاً ان ان بابًا مات وهي صغيره فماما دلعتها قوي المهم انا كنت في تالته اعدادي وهي كانت لسا في ابتدايئ فكان في مسابقة كوره انا كنت عاوز اشارك فيها وماما موافقتش المهم نشفت دماغي وقدمت في المسابقه من غير ما تعرف بس