امل بهدوء تصنعته /بعد اذن حضرتك ماينفعش كيدا
شخص بوقاحه/بقولك اي انا عندي فيلا صغيره كيدا في التجمع ما تيجي اوريهالك و
لم تنتظر امل ليكمل حديثه فقطاعته بضربه كف علي خديه ،نظر لها الشخص بصدمه من ما فعلته. قائلا /نهار ابوكي اسود
ثم اكمل بصوتٍ عالي /فين المدير انا عاوز المدير حالاً عشان مقفلكوش المطعم دي
هرول اليه المدير مسرعاً بعد ان اخبره احدي العاملين في المطعم علي ما حدث
المدير ببسمه لعلاها تهدئ من روعته /خير يا فندم
الشخص بعصبيه /هو احنا بنيجي المطاعم عشان نضرب ولا عشان ناكل
المدير بعدم فهم /ومين بس اللي يقدر يزعل حضرتك
الشخص بخبث/لأن المحترمه دي حاولت انها تغريني وانا حاولت اوقفها عند حداها ضربتني بالقلم
امل بصدمه والدموع تترقرق في عيناها /محصلش كذاب يا فندم
قاطعها حديث المدير بحزم قائلا /خلاص يا امل روحي انتي شوفي شغلك وانا هحل الموضوع دي
ذهبت امل والدموع تكسو عيناها الزيتونيه
وبعد بضعه دقائق اعلن هاتف امل عن وصول مكالمه من اخيها
مسحت دموعها ورسمت ابتسامه متصنعه واجابت
امل /الو يا كمال عامل اي
كمال بحب /بخير يا حبيبتي طمنيني عليكي
امل بكذب ممزوج ببسمه مزيفه ايضاً/انا الحمد لله يا حبيبي
كمال بتنهيده/مش ناويه تجي تعيشي معايا بقي
امل /انا حابه ان اعيش في مصر ومش هسيبها
ثم اكملت بمرح /ثم ان انا ومراتك مش بنتفاهم خالص
كمال بضحك/مش عارف ليه صراحه مع انك لو عشرتيها هتحبيها قوي