عصام : لا خلي انت هتتعشا معنا
عمار : لا.. لا.. يا عمي كده كتير
عصام بمزاح : طب ولهي لو ما اتعشيت معنا ما هخللي ملك تروح معاك في اي حته
عمار ببسمة : علي ايه ده كله
جلس عمار و عصام و سميرة وملك علي العشاء وبعد ان انتهوا جلسوا يتحدثون قليلا
عمار : طب بعد اذنكم بقي لان الوقت اتاخر
نظر عصام لملك وقال : اللي انت عايزة يا بنتي
نظر عمار لها بنظر حب كان معنا انا احتاجك بجانبي
ملك : انا هروح مع عمار يا بابا
ابتسم عصام و عناقها وقبل راسها وكان عيون سمير فيها الدموع
ملك بمزاح وهي تعانق سميرة : انا عايزة اعرف انت بتعيطي ليه كلها كام يوم ورجعالك تاني اطمني
سميرة : عارف لو عمار اشكتي منك ولهي لكون نفخاكي
ملك بغضب مصطنع : في ايه بقي انا حاسة ان هو اللي ابنك مش انا.. خلاص لو ده اللي هيريحك روح ياعمار وانت طلاق بالتلاتة علشان سميرة تستريح
عمار وهو يتابع مزاح ملك ببسمة : كده يا عمتي انت جاية علي خراب بيتي
__________________٠٠٠
سارة بفرح وهي تعانق ملك : وحشتني اوي يا ملك
ملك : وانت اكتر امال فين عمر
عمر من خلف ملك : انا هنا يا مرات عمو
ملك : ايه مرات عمو دي قولي يا لوكا وبعدين انا شكلي هخلع عمك واتجوزك انت ايه رايك