دفعت ملك عمار بسرعة وفتحت الباب : لا استني انا جاية معاكي
نور : طب وعمار
ملك وهي تنظر لي عمار بانتصار : عمار مشغول شوية و قالي انه عادي لو نزلت وهو هيبقي يجي ورانا مش كده يا قلبي
عماره وهو يبتسم بعفوية : انزلوا انتم وانا هنزل وراكم
نزلت نور وملك و دقائق ونزل عمار ايضا
عمار : صباح الخير
هناء (ام عمار) : تعالي ياحبيبي علشان تاكل
عمار : انا اسف يا ماما بس انا لازم امشي لان في مشكلة في الشركة… بركات الحج عماد بقي نقول ايه…. هو تقاعد و خلاني انا المدير
هناء بغضب : كله منك يا عماد الواد مبقاش بيقعد معنا
عماد وهو يعقد حاجبيه : ما هو بقي راجل ولازم يشيل المسؤولية
عمار ببسمة وهو يذهب ناحيت امه و ابيه ويقبل يدهم : خلاص بقي يست الكل مش عايز احس ان انا وقعت بينكم…. وانت يا حاج عماد ابقي صلحها و بوسهالي من هنا و من هنا لان انا متاخر دلوقتي
عماد وهو يضحك : يلا يا ابن الك**
عمار ببسمة : تسلم يا غالي…. بعد اذنكم علشان اتاخرت
…………………
في الشركة تحديدا في مكتب عمار
احمد بخبث : اول مرة تتاخر يعني… اكيد علشان لسه عريس جديد صح
عمار : كويس ان انت هنا… انا عايز اقولك حاجة
اخبر عمار احمد عن كل شيء و عن علاقة ملك بي ادهم ولماذا تزوجها
احمد : طب انت ناوي تعمل ايه دلوقتي
عمار : ولا حاجة انا هرد لي ادهم كل اللي عمله وزيادة شويتين