رد نور بسرعه وقاله :_ لالا ، مش السكرتيره ، دي بس حابه
تشتغل ، فخليتها جنبي
اتنهد هشام بإرياحيه ومدلي إيده عشان يسلم عليا ف
بصيت لنور فقالي : سلمي عليه ، دا صاحب عمري واخويا ..
سلمت عليه وانا بقوله : أهلا وسهلا
أومأ براسه وقالي : تشرفنا ي مرات أخويا
فرحت اوي من كلمته ليا ، إبتسمتله وقولتله : الشرف ليا
_
طبعا يفندم.
رد عليا بعفويه :- فندم ایي بقي ، انتي من هنا ورايح تقوليلي ي هشام …
اكيد طبعا
قاطعنا نور اللي قال : يلا انا عازمكم ع الفطار عشان مراتي
عطلتني الصبح ، قالها وهو بيغمزلي وانا وشي قلب أوطه ،
إتكسفت غصب عني وبصيت ف إلأرض
القيت نور بيضحك وهو بيقف فبعدت خطوتين عشان يعرف
يعدي ، خرج هو وهشام وبعديهم انا ع طول ، وقفت عند مكتبي
القيت نور بيقولي : راحه فين !
هقعد علي م تيجو
لا انتي هتيجي معانا ، قالها وهو بيشدني من ايدي وخرج بيا
تحت أنظار الكل ، كنت ماشيه جنبه كمشانه ف نفسي وخ*ايفه منهم ، اتنرفز وقالهم بزعيق : كل واحد علي شغله يلااا ، لو كل وحده إشتغلت مع جوزها ف شرکه الكل قعد يتكلم عليهم يبقي محدش هيشتغل
شوفت نظرات الاستغراب علي وجوه الجميع ، خصوصا
الحربوأتين اللي زعلوني ?
خرجت معاه وانا بصاله ومبتسمه ، كنت فرحانه فيهم
بصراحه وفرحانه أكتر انه نصفني عليهم
وقفنا ف الجراچ فهشام قال لنور : كان حصل اي عشان
تعمل كده قدام الموظفين !
رد نور بتنهيده :_ مكنوش يعرفو انها مراتي ف اتكلمو عليها
وهي زي العيال الصغيره إضايقت من كلامهم
رديت عليه وانا مکشره :_ انا مش عيله علفكرا يعني
رد بعند : لا عيله ، وصغيره كمان
ردیت بعند اکبر وانا بأكد ع كلامي : انا لا عيله ، ولا صغيره
، وبعدين كملت وانا ببص الناحيه التانيه بشموخ : انا حساسه