دي تمن إقامتي هنا ، رجاء خودهم ..
رفض الفلوس وقالي :_ لا يبنتي ، والله مايصح ، انتي زي
بنتي
ابتسمت وقولتله طب خد الفلوس دي وعوزا منك مساعده
قطب وشه وقالي :_ مساعدة اي !
_ عاوزه بس اعمل باسبور ..
ضحك ببشاشه وقالي :_ من عنيا حاضر ..
خد الفلوس دي وياريت تخلصهولي بسرعه ..
سابني ومشي بعد م وافق ، دخلت الاوضه وريحت جسمي
علي السرير ، عدي وقت ولقيت بنت داخله عليا ، كانت كلها
حيويه وبهجه بشوشه لدرجة اني حبيتها والله من قبل م أتعامل معاها :_ إتأخرت عليكي !
بصيتلها ب استغراب ف قالت لي :_ بابا حكالي عنك نورتينا …
هتقل عليكو معلش ، يومين تلاته لحد م جواز سفري
يتعمل بس واسافر …
لالا متقوليش كده ي جميل ، البيت بيتك والله ، قالتها
بسرعه وهي بتقدم مني ، قعدت وطبطبت علي رجلي ف قالتلي :ـ معلش يعني هسألك سؤال ولا وانه غتت شويه
هزيت راسي وقولتلها :_ اتفضلي اسئلي :_ انتي هر’بانه من
جوزك لي
يتبع…
هربانه من جوزك لي
حكيتلها حكايتي ، كل اللي نور عمله وعرفته عنه ، لحسن
الحظ طلعت محاميه وتفهم ف القضاء ف اقترحت عليا أسافر وأوكل حد ياخد الاملاك زي محامي مثلا يترافع عليه لحد م أولد وأرجع واتحداه ، سمعت كلامها ونفذته
عدت سنه عليا بعد م سافرت ولدت وابني ف حضني
رجعت مصر تاني بعد م عرفت ان نور ف أيامه الأخيره ، كنت
بعونه من غير م يعرف عشان محسش ب تأنيب الضمير من
ناحيته
فتحت عليه باب أوضته ف المستشفي لقيته نايم ، جسمه
بقي نحيل :_ ن نور
لف وشه ليا وابتسم وقال بصوته النحيل :_ انتي جيتي ، انا
كنت مستنيكي من من زمااان ، طلع مسد’س من جمبه وضر’بني بالنا’ر ..
عاااااا، قومت من النوم مفزعه ، لقيت نفسي ف الاوضه
اللي ف بيت نور ،بس هو مكانش موجود معايا ، قومت فضلت أدور عليه ، ملقيتهوش ف فتحت الباب وخرجت ، خدت تاكسي وصلت لبيت سيف ، قولت للبواب
يحاسب وانا هنزله بالفلوس
دخلت البيت لقيت سيف وشمس قاعدين يلعبو بلاي استیشن ، بحلقتلهم شويه ودخلت وقف سيف بلهفه لما لقاني
مخضوضه : مالك ي حور ، ، نور عملك حاجه
انت كنت عارف انه حابسني عنده ! قولتها ب زهول ، مكنتش مصدقه
…………..
أيي انت اخرسيت !
هو بصراحه قالي بس ، بس
مابسش ي سيف ، انت عارف اني ببعد عنه ومش عوزاه و…
قولتها ب انفعال ف رد عليا بنفس الانفعال بتاعي :_ لا معرفش ي حور ، اللي انا اعرفه انهم ضا’غطين عليكي مش انتي اللي عاوزه تبعدي عنه ، انتي بتحبيه ي
حور ، دا جوزك ، وانا مكنتش غلطان لما سيبتك مع جوزك ، قال كلماته الاخيره ف بانت علي ملامحي القسي ، هو فعلا عنده حق ف اللي بيقوله
هديت ومتكلمتش ف كمل كلامه :_ متخا’فيش منهم ي حور
، انا هنا ، ف ضهرك ، مش هسيبك وطول منا معاكي مش هيإذ’وكي ،هيخا’فو مني ، عيشي حياتك ..