متنسيش تحر’قي الورقه ومتنسيش تقولي لإبني ان ماما روز
بتحبك ..
قفلت الورقه وانا بنطق بآخر كلمه كانت کتباها :_ رووز ..
طلعت صورتها ، قد اي كانت جميله ب شعرها الطويل
وابتسامتها اللطيفه
حطيت الصوره تاني وخرجت عقود الملكيه ، كانت فعلا ب
اسمي حطيته جنب الصوره ، كنت هقطع الجواب كمان الا انه
مهانش علي قلبي ف خدته وخرجت ، فتحت دولابي ومسكت
فستان سميك من عندي ، خرجته برا الدولاب وفتحت الكوميد خدت منه خيط وإبر وطلبت من الحارس يجيبلي كيس محكم الغلق ..
دقايق وجابهولي ف دخلت حطيت الجواب ف الكيس
وقفلت عليه ، وفتحت طبقه من الفستان وحطيت الكيس فيه وقعدت أخيطه تاني ، خلصت وقومت حطيته ف الدولاب وقعدت أكلم مع البيبي :_ متخا’فش من حاجه ي حبيبي ، هحميك زي م ماما روز قالتلك بالضبط ..
قعدت أفكر ف اللي هيحصل .. عدي اليوم عليا وهو مجاش
البيت قومت لبست فستاني اللي خيطته وخدت ورق الملكيه بتاع ممتلكات نور حطيتها ف جيبي وخدت فلوس من الدرج وفتحت درج تاني في أوراق وحجات تانيه كنت شايفه نور بيحطهم فيه : فضلت أقلب فيه لحد م لقيت بطاقتي .. نزلت تحت ، خرحت للجنينه فضلت أتمشي بملل وعملت زهقانه من المكان وقدمت من بوابة الفيلا ، كنت خا’يفه ل يمنعوني ، خطوه جابت التانيه وخرجت برا الفيلا ، لقيت واحد من الحراس بيقولي :_ ي هانم !
ردیت ب توتر وانا مديالهم ضهري :_ امم
تحبي نيجي معاكي ي هانم!
اتنهدت وبصيتلهم ب ابتسامه وقولتلهم : لا ، انا هتمشي
جنب الفيلا عشان ملیت بس
اومأ براسه ف اتمشيت لحد م بعدت عن الأنظار تماما ، كنت
بتمشي براحتي عشان محدش يشك فيا لو رجعوني او حد شافني ،عدي حوالي عشر دقايق لحد م عدي تاكسي من قدامي ، ركبته ف قالي :_ علي فين ي هانم ..
ای مكان الله يخليك ..
بصلي وقالي :_ يعني اي
رديت عليه بمسكنه :_ انا هربانه من جوزي ، عاوز يقتل
ابني ، قولتها وانا بع’يط ف صعبت عليه ف قالي :_ متعيطيش
طيب واهدي ، هوديكي مكان كويس وافهم منك اي اللي بيحصل
خدني معاه :_ ادخلي اتفضلي
بصيت للبيت ، كان بيت مهترأ ومش مترتب وريحة الرطوبه
باينه عليه :_ مش قد المقام بس
لا متقولش كده ، كتر خيرك والله انك ساعدتني
اتفضلي هجيبلك حاجه تشربيها وتاكلي وبعدين اشوف
حكايتك اي ..
مفيش داعي والله انا واكله ، انا بس هستسمحك عاوزه
أرتاح
اه طبعا طبعا ، قالها ب لهوجه وهو بيشاورلي علي اوضه
وقالي :_ ممكن تتفضلي تنامي ف الاوضه دي ، بنتي شويه وعلي وصول هتقعد معاكي ، انا هتصل بيها وهقولها ..
هزيت راسي ، وحطيت ايدي ف جيبي ومديتله فلوس :_