دماغي وانا بقول :_ طب اعرف الحلم من الحقيقه ازاي يعني
كان نور قاعد قدامي علي كرسي وحاطط ايده علي وشه ومغمض عيونه ، هو انا معرفش نايم ولا صاحي ف ما علينا يعني ، قومت من علي السرير واتمشيت براحه ودخلت الحمام ، خدت شاور وخرجت
لقيته قاعد وباصصلي ب إهتمام ، انتي كويسه !!
علامات القلق والخو’ف كانت ظاهره علي ملامحه ف رديت
ب هدوء وانا بهز راسي :_ ايوه، كويسه ، لي في حاجه !؟
لا أبدا مفيش حاجه ، اقولهم يحضرولك الفطار !؟
_ لا انا هنزل أحضره بنفسي .
لا طبعا ميننفعش تدخلي المطبخ
لي !
عشان صحت الج. ، صحتك
. كنت عاوزه اقوله اني سمعتهم وهما بيتكلمو ، كنت عاوزه
اقوله اني عارفه انه ناقل ابنه ف بطني ، بس كده كده حلم
وهخلص منه اول م أصحي ف مهتمتش وقولتله :_ انا كويسه متقلقش ..
بسس
نور ، في اي !؟
بلع ريقه ب صعوبه وقالي :_ مفيش بس مش عاوزك تتعبي
اضايقت ف نفسي لان سبب اهتمامه بيا هو البيبي مش انا
حوار البيبي ده هينفعني ، علي الاقل لحد م اصحي
من الحلم ده هعمل اللي انا عوزاه ( قولتها ف خيالي وانا بضحك بخبث )
اتحركت من قدامهم ب غرور ونزلت وقفت تحت وانا بدور
ب نظري يمين وشمال علي المطبخ
حسيت بإيده بتلف علي خصري ودقنه بترسي علي كتفي
وقالي ب حنان :_ بتدور علي اي ي جميل
_ لقيت رقبتي ليه وقولتله :_ المطبخ
قطب وشه وقالي :_ مش عارفه المطبخ فين !؟ ازاي !
بصيتله ب لا مبالاه وقولتله :_ ها ، فين ..
سحبني من ايدي ودخل بيا المطبخ وقعد قدامي ، فتحت
التلاجه لقيت فيها نوتيلا ، عيوني زغللت عليها ف سحبت
البرطمان من التلاجه لقيته قرب خده مني وقالي : افطري
وبعدين كلي شيكولاته ..
بصيتله ب برائه ف قالي :_ مش هتراجع عن كلامي ، ف
بصيتله بطرف عيني وقولتله : طيييييب
خرجت جبنه وزيتون وقعدت ف قالي ب إستغراب :_ هتاكلي ده
_ اه لي
مش هتاكلي كورن فليكس !؟
_ لا انا عاوزه من ده
عز كتابه وقالي :_ براحتك ، بسرعه بس عشان هنروح
الشركه
هزيت راسي وقعدت كلت بينما هو قالي :_ هجهز علي تخلصي
سابني ومشي ف قومت بسرعه فتحت التلاجه وخرجت
منها برطمان النوتيلا ، سمعته بيقول وانا بفتح غطا البرطمان :_
كلي الاول وبعدين شوفي الشيكولاته ..