طيب تمام
كنت عاوزني ف حاجه !؟
لا كنت عاوز رقم شمس منك بس
– امم ، هي عزمانا علي حفله بليل ، ابقي خده منها ..
بجد
– هه مالك فرحت كده لي !؟
احمم ، لا عادي مفيش ، هقفل انا بقي
– سلام
****
كنت بجهز نفسي عشان أروح حفلة شمس مع سيرين
لبست وخلصت ونزلت ركبت عربيتي وروحت لسيرين خدتها
واتحركنا للحفله
لقيت حور قاعده مع معتز على ترابيظه وبيتكلمو ، ف قعدت
بعيد علي ترابيظه واجهتها مش باينه ، شويه ولاقيت حد بيخبط علي كتفي ببص لقيته سيف ..
قاعد كده لي !؟
– هقوم أرقص عشان ترتاح
شربااات ، بص لسيرين وقالها : بيموووت فيا
كنت بنقل نظري بينه وبين حور ومعتز ف لاحظ أن نظري
رايح جاي ف بص مکان منا باصص وقال بإستغراب : اي ده ،
معتز ، بيعمل اي مع حور ده
انت تعرفه !
دا ابن عمتي ، هحكيلك بقي ، من فتره كان معجب
بحور وتقريبا بيجدد اعجابه اليومين دول ، قال الأخيره وهو
بيضحك
شويه وشمس قعدت معاهم ، كانت مستمتعه بوجود معتز
لاحظت الخنقه علي سيف في قولتله :_ الواحد محتار والله
معجب ب مدام حور ولا معجب بشمس
رد عليا بضيق : اختك تعرفه منين
من نفس المكان اللي اختك عرفته فيه
ردت سيرين بإستغراب : هو انت اخو حور !
بربشلها وهو بيقول : مووش باين عليا
ضحكت عليه سيرين ف بصيت لحور وهي بتميل علي معتز
، بعدين شمس میلت علي معتز ، بصلي سيف وقالي : الواد ده من يومه بتاع شبكات …
– يعني اي !؟
طول عمره بيعرف يوقع البنات .
طب والعمل .
سکت شويه ولقيته قام من مكانه وقدم منهم سلم علي معتز
وبعدين شمس ، ولقيته واخد معتز وخارج بيه برا الحفله ورجع كلمني ومشي ..
كانو واقفين ف جمب وانا مستخبي بين الشجر
لحد م سیف غمزلي بعد م قال لمعتز : انا عارف انك ابن
عمتي اللي بحبها وكل حاجه ، بس انت عارف بقي غصب عني ، قدمت ضر’بته علي دماغه ف فقد الوعي ، شيلناه دخلناه عربية سيف وقفلنا عليه العربيه وخد مفتاح عربية معتز وركب عربيته ركنها بعيد عن الأنظار ..
دخلنا الحفله قعدنا مع سيرين
شويه ولقيت شمس بتقرب من الترابيظه بتاعتنا وبتقولي :۔
نور ، عاوزه ارقص ، تعالي إرقص معايا ..
– مبعرفش
يلا بقي ي نور والنبي والنبي ، عشان خاطري
– نفخت وانا بقوم من مكاني وبقولها قدامي
فرحت واتحركت من مكانها ف ابتسم سيف لسيرين وقال