اسماء .. ايوه
رجب .. ومات ازاي غدر ؟!
اسماء .. مات مقتول .. طعنته ثريا بالسكين عشان تاخد راحتها مع متولي
رجب .. متولي دا اللي انتي خفتيه تحت الارض ؟!!
اسماء .. مش انا اللي خفيته .. دا عمله الاسود هو اللي نزله لسابع ارض .. انا مجرد وسيلة مش اكتر
رجب .. وايه علاقة ثريا ب متولي ؟!!
اسماء .. ثريا قبل الجواز كانت بتشتغل في محل الملابس اللي كان صاحبه متولي ومتولي دا كان معروف عنه انه واطي وخثيث وهلاث وندل لأبعد الحدود وبعد ما اتجوزت من الحج صلاح معروف ودا كان صاحب سوبر ماركت جمب محل متولي بالظبط الحيط في الحيط .. طبعا بطلت شغل وقعدت في البيت والحج
صلاح ده كان راجل بتاع ربنا اوي اعمال خيرية وبر وتقوي .. النقيض تماما ل متولي .. متولي كان عايز يشتري محل صلاح باي تمن عشان يفتح المحلين علي بعض ويكبر تجارته .. لكن صلاح كان رافض تماما فكرة بيع محله ومع مرور الايام ثريا زهقت من القعدة في البيت وطلبت انها تنزل تقعد في السوبر ماركت
وبعد الحاح وافق الحج صلاح وعشان كان اكبر منها بكتير وصحته علي اده عرضت عليه انها تقعد مكانه ويروح هو وشوية بشوية بقي الحج صلاح بيعتمد عليها وقليل لما كان ينزل المحل ميعرفش ان بكدا ادي فرصة لذئب بشري اسمه متولي عشان يلف عليها ويلعب بدماغها وعشان انها كان عندها استعداد دايما للغدر