سرحان .. ثريا التوني اخت اسماء هي المطلوبه الان
متولي .. ثريا !! يخرب بيتك .. ملقتش غير دي!! ودي اقدر عليها ازاي ؟!! وايه سبب التغيير من اصلة ؟؟!!!!
الاحداث ازدادت اشتعالا .. تفاعل معايا وهنزل ببارت كمان
سرحان .. الجني كلمني الآن وكان غضبان .. وقالي مش عايز اسماء تكون قربان .. خلي اسماء ترحل يا جبان .. اسماء عليها مني الامان ومحدش هيقدر يلمسها من الآن
متولي .. شفت عشان تصدق !! البت طلعت علي علاقة بجني اسمه مهموش وشكلهم كدا حبوا بعض وبقي بينهم عشق ممنوع وياويلنا وسواد ليلنا يا سرحان
سرحان .. مفيش حاجة اسمها مهموش .. افهم بقي
متولي .. طب ما تفهمني ايه الحكاية يا فالح ؟!!
سرحان .. مش لما افهم انا الاول ابقي افهمك
متولي .. اها .. طيب .. والله شكلك هتطلع في الآخر نصاب
سرحان .. بتقول ايه ؟!!
متولي .. بقول وبعدين هنعمل ايه ؟!! مالك في ايه ؟!! تنحت ليه كدا ؟!!
ثم ينظر الي حيث ينظر سرحان فيجد اسماء واقفة امامهم وبيدها السكين الذي كانوا ينون ان يذبحوها به
متولي يبتلع ريقه خوفا .. انت اللي فكيت البت دي ؟!
سرحان .. هو انا اتحركت من جنبك يا حيوان انت ؟!