منار
زباله ايه يا قلبى انا بقالى عشر سنين مبطله حاجه ساقعه وباشرب لبن وبس
حسين سابها ودخل المطبخ وعمل نفسه بيشرب وراح جرى على الزباله يدور فيها وكأنه بظا يشك فى نفسه وعقله وفجأه بيجى ليه تليفون وواحده بتقول
الو حسين حبيبى هى نزلت ولا لسه انا بقالى ساعه مستنيه فى الشارع
حسين
لا يا شوشو اوعى تطلعى دلوقتى واضح كده انها اجازة النهاردة لابسه بيجامه باقولك روحى على شقتك وانا جاى وراكى
شوشو
مينفعش شقتى انت عارف امى وبنتى معايا ، شقتك هى احسن مكان نتقابل فيه بس ازاى منار مش هتنزل النهاردة دى عندها تكريم من المدرسه ليها النهاردة قال ايه مراتك تم اختيارها العلم المثالي على مستوى المدرسه ، بلا قرف طول النهار عايشه فى وسط الكراسات والطباشير وبينى وبينك انا اللى المفروض اخد الأنثى المثاليه صح يا بيبي
حسين
طبعا يا جميل ده انا لو عليا اسلمك جايزة نوبل فى الانوثه ولا الدلع ياالله اموت انا
وهنا بيحس بايد حد بتحسس على شعرة
حسين
ها بسم الله الرحمن الرحيم ، ايه يا منار فى حد يخض حد بالشكل ده ، الله يسامحك
منار
سلامتك يا قلبى عمونا اا نازله شغلى عاوز منى حاجه يا قلبى
حسين
شغلك انتى لبستى امتى انتى مش كنتى لابسه بيجامه بيتى
منار
معقول يا حسين بيجامه ايه هو انا اصلا عمرى غبت عن المدرسه وبعدين انا لابسه من الساعه ٦ صباحا لا يا سونه يا حبيبى انا حاسه انك تعبان
حسين بيبص عليها وهى واثقه من نفسها ولابسه فعلا لبس خروج واخدت شنطتها وساكته ونزلت
حسين قعد لوحده يحاول يتاكد ايه اللى بيحصل معاه ولكنه مش عاوز يدى الموضوع اكتر من حقه وقال لنفسه عادى يمكن بس شويه إرهاق
وفى المدرسه اللى شغاله فيها منار بتدخل والكل فرحان بيها لأنها النهاردة هيتم تكريمها انها افضل مدرسه على مستوى المدرسه اما شوشو بتدخل من بعيد وهى برضو ماسكه التليفون ويتتتكلم فيه ،