حسين
مش ممكن القميص كان لسه فى ايدى ازاى حصل ده
منار
حبيبى معلش تلاقيك بس مرهق من الشغل ربنا يعينك يا قلبى ، باقولك اوعى تتأخر الليله علشان عامله ليك مفاجاه حلوة اوى بمناسبه عيد ميلادك يا قلبى كل مليون سنه وانت طيب ، حسين مالك سرحان فى ايه
حسين
ها لا ابدا بس حكايه القميص دى غريبه شويه
منار
ولا غريبه ولا حاجه طيب تعرف انا طول النهار باتكلم فى التليفون وساعات ادور عليه والمكالمه شغاله عادى يعنى متحطش فى بالك
حسين
ايوة فعلا عندك حق انتى دلوقتى عاوزة حاجه ، ولا زى كل يوم عيش وجبنه ولانشون وحاجه ساقعه
منار
ايه الحاجات دى يا بيبى هو انا باطلب الحاجات دى ؟ انا اصلا مش باكل الانشون ولا باشرب الحاجه الساقعه انت بقى بتجيب الطلبات دى كل يوم لمين يا شقى
حسين
ليكى طبعا هو انا يعنى خلاص اتهبلت ولا ايه انتى كل يوم تطلبى عيش ولانشون وجبنه وحاجه ساقعه ده الزباله مليانه علب كانز فاضيه