close
ثم خرج وترك ليلي التي تفرك ذراعها بينما تمط شفتيها بغضب وتقول:
-كل ده عشان طلبت اتجوز …هو السترة حرام في الايام دي ياربي يعني!
ضحكت مهرا وقالت:
-يعني انتِ مش عايزة تتجوزي لان امتحاناتك قربت ..
هزت ليلي رأسها وقالت:
–
تؤتؤ عشان اتستر طبعا ..هي البنت ليها ايه غير بيتها وجوزها وشوية حاجات فوق بعض !
ضحكت مهرا وقالت:
-طيب يا اختي …خدي صينية العصير يا لمضة …
هزت ليلي راسها وهي تخرج بالصينية ..
…………
وقفت امام المرآة بتوتر بالغ …كان قلبها يصرخ داخل صدرها ولكن حاولت بقدر الامكان ان تجعل ملامحها باردة …لم تكن تريد أن تظهر توترها امام الجميع ستبقي هادئة فليست تلك أول مرة ترتبط بها …لقد تزوجت من قبل !فلماذا تشعر بكل هذا التوتر ..