-كويسة يا بني بس لسه مصممة علي الطلاق !
اغمض سامر عينيه بيأس وهو يشعر بصداع يكاد يشطر رأسه بينما مودة اكملت حديثها لعلها تعطيه آمل ؛
-بس هي لسه بتحبك يا سامر ….أنا متأكدة من ده يا بني …هي بس مجروحة…معلش يا سامر متتخلاش عنها …خليك جمبها…بنتي المسكينة خسرت كتير وهي حالتها دلوقتي مش مستقرة …
-انا نفسي اكون معاها بس هي رافضة أي علاقة بيا …رافضة اني أقرب منها حتي يا حماتي …أنا تعبت …عارف اني غلطت في حقها بس تديني فرصة اعوضها عن اللي شافته!
اغمضت مودة عينيها وقالت مقنعة اياه:
-متستسلمش يا سامر …متفقدش الامل فيها …حاول يا بني تاني …روحلها وخليك جمبها …انت عارف إنها مش كويسة دلوقتي …بنتي بتعاني …دي خسرت ضناها …
هز سامر رأسه وعينيه تلمع بتصميم وقال ؛
-متقلقيش يا حماتي أنا عمري ..عمري ما هسيبها !
ابتسمت مودة براحة …كانت مرتاحة وسعيدة وهي تسمع منه هذا الوعد وقالت: