وبعد ان انتهت مهرا من كلامها ..نظرت إليها مروة وامسكت كفها قائلة:
-حبيبتي مهرا انتِ غلطتي!
-انا برضه يا ماما!
قالتها مهرا بينما دموعها ما زالت تنساب علي وجنتها…لتهز مروة راسها وتقول:
-وادم برضه غلط …انتوا الاتنين غلطوا اووي …مهرا يا حبيبتي انتِ اتقلبتي ادم …اتقبلتي ادم ببيته بوضعه المادي وشغلته فمينفعش دلوقتي تيجي تج.رحيه وتطلبي منه يقرب من جده عشان الفلوس …
-بس يا ماما ..
قاطعتها مروة وقالت:
-يا حبيبتي ..الراجل مبيحبش يشوف مراته مكسوفه منه ومن شغله …عارفة أنك مش مكسوفة من شغل ادم بس بكلامك وصلتيله كده …أنا فاهماكي أنك بتعملي كده عشان يسامح جده …ولو هو مش فهمك كويس فده بسبب غضبه …وقولتلك قبل كده متجبريش ادم انه يسامح …لان الموضوع مش سهل يا مهرا…
خلي الايام يا بنتي هي اللي تداوي الجر.وح ..
نظرت مهرا إليها بيأس وقالت:
-انا خايفة.من ان الك.ره ده يأ.ذيه يا ماما .
ضمتها مروة وقالت:
-سيبي كل حاجة علي الزمن يا مهرا !
…………