مصطفى:في نعمه الحمد لله
ابتسمله ياسر ووجه نظره لدينا وقال بقلق :في اي يا بنتي قلقتيني
طارق قص عليه كل حاجه حصلت مع اخته لحد اما رجعتله
ياسر بدهشة:ده كله حصل فيها
هزوا رأسهم بحزن
ياسر:متقلقوش ان شاء الله هتخلص منه وهتطل*ق
اولا في حاجة فيتاكوا انتوا ساعت اما رفعتوا قضية الطلاق ورحتوا المحكمة هي اللي كانت طالبة الطلاق وهو قدم تقارير انها مضطربة نفسيا ومثل وقال انه عايزها والقاضي حكم انه يدوا فرصة لبعض وهي رجعتله عشان مياخدش البنات منها
انتوا لو كنتوا كملتوا في القضية ومخفتوش واتطلقت حتى لو عندها اضطرابات نفسية كانوا هيتربوا مع جدتهم اللي هي الحجة نورا أم المدام
طارق بدهشة :ازاي حاجة زي دي فاتت علينا
احمد:فعلا عندك حق
هند بحكمة:اهدوا احنا منعرفش في القانون ولا حتى يارا كانت تعرف كنا فاكرين بسبب التقارير هياخدهم منها وكنا متوترين يعني محدش عليه لوم
ياسر :بالضبط كدة زي ما حضرتك قولتي
ثانيا انتوا بتقولوا انه ضرب*ها وجلدها واكيد في آثار على جسمها المفروض تكشف وتثبت كدة ونعمل محضر بتعرضها للض*رب والعن*ف
ثالثا والأهم تتعرض على الطب الشرعي يثبت بتقارير ان الاضطرابات النفسية اللي كانت ملازماها اول الجواز مش موجودة دلوقتي وهي في كامل قواها العقلية
بصولوا كلهم وكأنه الامل بالنسبالهم وربنا بعته ليهم