يوسف:متعمليش اكل هطلب من برة وصاحبي جاي هيتغدى معانا
اتجاهلته ومردتش عليه
يوسف بصوت عالي:انا اما اكلمك تردي عليا
بصتله ببرود ورجعت للي كانت بتعمله
تحت عند سامية وميرا
ميرا راحة جاية وبتقول:ياترى هيعمل فيها اي
سامية بثقة:اكيد عمل معاها الواجب ابني وانا عارفاه
اتهدي بقى دوختتيني
ميرا بقلق:افرضي عرف وصدق ان مش هيا اللي وقعتك
سامية:متقلقيش اما ينزل هحاول اوقعه في الكلام واشوفه عمل اي معاها
ميرا :ماشي
في بيت مصطفى
مصطفى قاعد في اوضته بصمت وحزن على حال بنته واللي وصلتله
دخلت عليه نورا ووقفت قدامه والدموع في عينيها :هنعمل اي يا مصطفى بنتي هتروح مني
بصلها مصطفى وهو حيران ومش عارف يفكر
نورا قعدت بهدوء وبتواسيه وتواسي نفسها:بص احنا نهدى ونفكر كدة عشان نوصل لحل
قام مصطفى خدها في حضنه:اهدي يا حبيبتي عشان صحتك وان شاء الله هنلاقي حل
هزت نورا راسها بمعنى ماشي
برة عند احمد وطارق وهند ودينا
كله قاعد يفكر في حاجة تساعدهم في الموضوع
قاطع تفكيرهم طارق:لا انا مش عارف افكر ولا عارف اوصل لحاجة
احمد :اهدى يا طارق واقعد لازم نلاقي حل