يارا بعند:قولت مش جاية
يوسف:اجيلك انا بقى
وقرب منها مسك دراعها
يارا :بقولك سبني لو عملتها والله لندمك ومش هسكت
وهي بتحاول تفلت منه
يوسف :أعلى ما في خيلك اركبيه وكمان يا يويو دي قرصة ودن صغيرة وزي ما انا كنت طالع وسامع صريخ امي ودخلت لقيتها واقعة انتي برده لازم تسمع صر*يخك انا هكون مبسوط جدا وانتي بتص*رخي عشان تحرمي بعد كدة
وخدها وقرب من باب الشقة فتحه ومسكها جامد ونزل المعلقة على دراعها بس الغريب انها مصرخ*تش ومسمعلهاش صوت
بيبصلها لقاها عرقانة ووشها احمر وبتضغط على شفايفها جامد وبتجاهد الالم عشان متصر*خش
يارا كانت واقفة قدامه بالعافيه ودخلت في ضحك هيستيري ومكنش واعية وهو خاف جدا
استجمعت نفسها وقالت بضحك مخيف:انا استحالة هعمل حاجة تبسطك وتخليك فرحان فيا انت وأهلك واه صدقني اللي عملته مش هيعدي على خير ومتنساش الجملة دي لان هييجي الوقت وتعرف قيمتها بس هيكون فات الأوان
(ربنا مبيسبش حق حد )
وسابته ودخلت اوضتها ومجرد انها قفلت الباب مسكت المخدة ووقعت على الأرض وصرخ*ت فيها بكل قهر وحزن والم ووجع دراعها عشان ميسمعش صوتها
وقالت بدموع:يارب ارحمني يارب معنتش قادرة والله خلصني من الكابوس ده طاقتي كلها خلصت استحملت كتير
وقامت غيرت هدومها حطت مرهم يرطب الح*رق ولبست حاجة بكم عشان البنات ميشوفهاش
وقعدت على السرير تقرا قرآن وتدعي