يوسف:اعتذري حالا والله لربيكي ازاي تعملي كدة في امي
يارا كانت في حالة صمت مخيف وبصة قدامها بصدمة انه ضرب*ها لتاني مرة والمرة دي كانت قدام اهله وقل منها وهانها
سامية وميرا كانوا فرحانين(عقارب هقول اي بس🤌🤌)
سامية بحزن مصطنع :ليه كدة يا ابني دي مراتك وهي مكنش قصدها
(بصراحه يا سوسو الشيطان نفسه مصدوم منك)
يوسف :امي لو سمحتي متدخليش وهي لازم تتربى غلطت وهتتعاقب ولا هي ملهاش راجل يا امي يحكمها
(لا طبعا يا سوفي ميصحش عيب كدة اما نقول مش معاها راجل احنا المفروض نقول معاها سوسن😏😏)
يوسف :مش هعيد تاني كلمتي اعتذري
يارا ببرود وهدوء غريب:مش هعتذر لاني مغلطتش
مسكها من شعرها :بقولك اعتذري
سامية بتمثيل:جرا اي يا يوسف في اي خلاص محصلش حاجة يا ابني انا مسامحة
(صح يا سوسو المسامح كريم برده ربنا يجازيكي كل خير ان شاءالله في جهنم الحمرا)
يوسف:لا يا ماما هتعتذر ورجلها فوق رقبتها
يارا بقوة:وانا قولت مش هعتذر
يوسف:تمام والله لوريكي النجوم في عز الظهر استحملي بقى
ووجه كلامه لسامية وميرا:بعد اذنك يا امي سبوني انا ومراتي شوية الظاهر انها متربتش وانا هقوم بالمهمة دي
سامية :حاضر يا ابني ربنا يهدي سركوا ويهديكوا
(ربنا يهدك يا بعيدة قصدي يهديكي)