(انتوا هتقراوا الورقة دي وانا هكون مش موجوده والله اعلم هكون موجودة معاكم تاني أو هشوفكوا تاني ولا لا انا رجعت ليوسف ايوا رجعت لاني مقدرتش ابعد عن بناتي انا مكنتش مستحملة امبارح وهو بياخدهم قدام عيني
ومشي وانا مش قادرة اعمل حاجه او فكرة انه يطلقني واشوفهم كل فترة وفترة زي ما بتقولوا فسامحوني وعلى كلام بابا اني لو رجعت يبقى مليش علاقة بيكوا معرفش اذا هتعملوا فعلا كدة ولا لا بس انا مسامحة حاجه زي دي غصب عني اني رجعت
طارق واحمد انا عارفة بابا ربانا ازاي وانتوا استحالة تعملوا كدة بس برده باكد عليكوا اوعوا تعملوا كدة في يوم من الايام مع دينا او هند وحافظوا على بعض
اخر حاجة بحبكوا جدا)
طارق كان بيقرأ بدموع
وطلع وقالهم:مشيت يا بابا رجعت ليه تاني
احمد خد منه الورقة وقال بجنون :ليه ليه رجعتي كانت هتتحل بتدبير ربنا ليه ترجعي ويشوفك مكسورة
مصطفى ونورا كانوا قاعدين بصدمة
نورا:بنتي راحت يا مصطفى بنتي بتتدمر قدامي وانا مش عارفة اعمل حاجه
مصطفى قام من وسطهم بدون ولا كلمة
دينا وهند قلقانين على يارا
والكل بيعيط وحزين على اللي حصل
هند مسحت دموعها وقالت بحدة:اي هنفضل نعيط كتير كدة ومش هنعمل حاجه راحت ناحية طارق قومته ومسحت دموعه :كفاية فوق شوف هنتصرف ازاي وانت يا احمد انت ودينا كفاية قوموا نشوف هنعمل اي هنستفاد باي اما نعيط بس
العياط هيرجع حاجة
وكمان هي رجعت اه بس كلنا عارفين يارا على اي مش هتسمحله ييجي عليها ويدوس على كرامتها تاني بس هي لوحدها هناك في بيت عقارب
طارق وهو مصدوم ومش عارف بيقول اي:هي اللي مسمعتش الكلام وجبته لنفسها يبقى تستحمل
هند بترقب:يعني اي هنسيبها عشان مسمعتش الكلام وده رد فعل طبيعي منها وانت اب وعارف لو انت مكانها كنت سبت بناتك اكيد لا يبقى منلومهاش على حاجة ونقف جمبها