طارق:ردي يا حبيبتي مش تقلقينا عليكي
مصطفى بتماسك عكس اللي في قلبه:فوقوا انتوا الاتنين يلا نوديها المستشفى
وكمل بصراخ:طارق جهز العربية
وفعلا طارق نزل جري فتح العربية واحمد شال اخته بسرعة ونزل جري ووراه مصطفى وركبوا وطول الطريق كانوا مرعوبين اوي عليها
دخلوا المستشفى
طارق:ترولي بسرعه لو سمحتوا
دخل مجموعة ممرضين بترولي احمد حط يارا عليها
وخدوها والدكتور دخل
وكلهم واقفين في حالة قلق وبعد ربع ساعة الدكتور طلع قربوا منه بقلق اتكلم طارق
:خير يا دكتور
الدكتور:***********
يتبع….
الدكتور:هي عندها انهيار عصبي وضغطها كان واطي جدا لازم تبعد عن أي توتر حواليها
مصطفى بحزن على بنته:شكرت يا دكتور
الدكتور :لاشكر على واجب ده شغلي
احمد:احنا ممكن ندخلها
الدكتور:تمام بس بلاش تتعرض لاي توتر
طارق:شكرا مرة تانية
الدكتور ابتسمله بهدوء وقال:عن اذنكوا
مصطفى:اذنك معاك يا ابني
الدكتور خرج ودخلوا ليارا كانت نايمة وشها باهت من التعب
قعدوا يستنوا تفوق
مصطفى كان حزين جدا عليها وقاعد بيدعلها
احمد وطارق غصب عنهم دموعهم كانت بتنزل على اختهم واللي بيحصلها
طارق من وسط دموعه:قومي بالسلامة وهتعدي وهنعمل اللي انتي عاوزاه وكمل ربنا هيكرمك والله
احمد ببكاء:انتي بتعملي كدة عشان تعرفي غلاوتك عندنا اد اي صح انتي غالية جدا والله وكلنا بنحبك مش هنقدر من غيرك بس قومي انا مش متعود اشوفك كده