ايدك لو مدتها تاني هقطعهالك اوعى تنسى انا مين انا يارا يا يوسف ها يارا متنساش نفسك
نزع يوسف ايده منها وقال:والله لخليكي تبوسي رجلي عشان ارجعك
وكمل بتحدي:والبنات هيكونوا معايا وانتي هترجع زي الكل*بة وهوريكي ازاي تبقي تتحديني كويس
يارا بتحدي :هنشوف
سامية بغيظ:يلا يا حبيبي عشان تروح تستريح الجو بقى خنقة هنا اوي
يوسف:يلا يا ماما
وخد يوسف امه وخرج
خرج يوسف من هنا ويارا انهارت وكانت بتعيط جامد اوي
أخواتها قربوا منها يحضنوها
يارا ببكاء:هياخدهم مني كان معاك حق يا طارق سكوته ده مكنش خير فعلا ده احق*ر ماكنت متخيلة
احمد ببكاء على اخته:اهدي عشان خاطري
طارق:اهدي يا حبيبتي وان شاء الله خير
مصطفى قرب وخدها في حضنه وقال بدموع على ألم بنته:اصبري يا بنتي واستحملي وربنا هيكرمك
اسف يا بنتي انا سلمتك ليه مكناش نعرف حقيقته ال******
يارا :وانت ذنبك اي يا بابا وكنا هنعرف منين
وكملت ببكاء :انا ممكن استحمل اي حاجه كله الا بناتي الا بناتي كانت بتتكلم بهيستريا وصراخ جامد
خوفت مصطفى واحمد وطارق
طارق بخوف عليها:طب اهدي عشان خاطري حرام عليكي نفسك
احمد حضنها بخوف عشان يهديها وفجأة حس بتقلها
يارا اغمى عليها
احمد برعب:يارا مالك يارا