لقت ايد احمد منعتها:احمدي ربك إنك معملتيش اللي في دماغك عشان كنت هتصرف معاكي تصرف مش يعجبك وكمل بهدوء:بصي يا ست انتي لولا انك اد امي انا كنت شوفت شغلي معاكي خدي ابنك وامشوا من هنا
ومنشوفش وشكوا غير يوم الجلسة
بصتله سامية بوعيد وقالت وهي بتحرك نظرها عليهم كلهم:هندمكوا كلكوا على اللي عملتوا في ابني وانتي اولهم يا سنيورة هانم والبنات هاخدهم وهتجيلي راكعة وانتي اللي هتطلبي منه
يرجعك ليه تاني وساعتها هحرق قلبك وهذلك
سندت ابنها ومشيت
احمد رزع الباب وراهم ونورا خدت البنات ودخلت جوا وكلهم قعدوا وعدا ربع ساعة عليهم وكان الصمت سيد المكان ش
مصطفى:في اي خلاص عدى بصوا اللي جاي
احمد:هتتطلقي يا يارا وصدقيني البنات هيكونوا معاكي
طارق:اخوكي معاه حق هتتطلق*ي وحياتك هترجع زي الاول واحسن كمان
يارا بصتلهم وكل اللي في بالها هل هو فعلا ممكن ياخد بناتها منها ولو خدهم هتعمل اي وحتى لو رجعت ازاي هتعيش معاه وهي مش طايقاه وكمان حماتها رجعت يعني لو رجعتله حياتها هتكون جح*يم اكتر من الاول
طارق:بتفكري في اي يا حبيبتي متخافيش ان شاء الله هنكسب القضية وهيطلق*ك