عليا كل دا ومش سهل انى انسى …
وحطت ايديها على وشها مكان الوحمة وقالت:هوا أنا للدرجادي وحشه ومستاهلش حد يحبنى هوا أنا وحشه يا معتز..
كلمتها كسرته وخلت قلبه ينفطر على دموعها وقرب منها بهدوء وقال:انتى مش وحشه يا يارا بالعكس انى جميله جدا وألف مين يتمناكى وانا واحد منهم صدقيني يا يارا أنا بحبك ومحدش هيحبك قد حبى ليكي ..
يارا بصتله وتاهت في كلامه لثوانى وفجأه تداركت الموقف وبعدت عنه ودخلت اوضتها وقفلتها عليها..
معتز اتنهد بقلة حيلة وخرج من الشقه وقفل الباب وراه..
عند مريم ..
فاقت من النوم بخضه اثر جردل ميه ساقعه فوق دماغها …فتحت عينيها بخضه ولقته شهاب اللى واقف.ومبتسم بخبث
_عاااااا في اي
_صباحية مباركه يا عروسه
_حد يصحى حد كدا
_والله دي طريقتى ولازم تتعودى عليها يلا قومى حضريلي الفطار..
مريم بصتله ببراءه وقالت:احم اصل يعنى
_اصل اي اخلصى
_اصل أنا الصراحه مش بعرف اعمل اي حاجه في المطبخ
شهاب بصدمه:اي حاجه اي حاجه
_اممم اي حاجه
شهاب قعد جنبها وقال:يا حوستك يا شهاب هوا أنا عملت اي علشان اتجوزك